LA UNION – Mapatta-patta a nasurok P60-M iti balor dagiti premyo, regalo ken insentibo nga awaten ni Gymnast Champion Carlos Yulo kalpasan a nangabak ti dua a medalya a balitok iti Paris 2024 Olympics.
– Maiyannurot iti Republic Act 10699 of 2015 wenno “National Athletes and Coaches Benefits and Incentives Act,” pagrebbengan ti gobyerno nga ipaayan ti P10-M a cash incentive ti gold medalists manipud Olympics ken Olympic Gold Medal of Valor manipud Philippine Sports Commission (PSC).
– House of Representatives – P6 million kalpasan a dinoble na ti immuna a kari a cash incentives kenni Yulo a P3-M para iti double gold medal.
- – Philippine Olympics Committee (POC) – mangipaay ti house and lot, segun kenni POC President ken incumbent Tagaytay City mayor Abraham “Bambol” Tolentino
- – City Government of Manila – nagkari ni Mayor Honey Lacuna a mangipaay ti pinansiyal nga insentibo ken panangbigbig iti two-time gold medalist malaksid iti isag-sagana da nga “hero’s welcome” para kenni Yulo
- – 3-bedroom condominium nga agbalor ti P32-million idiay Taguig City ken P3 million cash bonus manipud Megaworld.
- – Pribelihiyo – Lifetime meals iti sumagmamano a fast food chains ken lifetime Engineering Design.
Imbaga ni Yulo iti maysa nga interview, a siguradwenna a saan a masayang dagiti bendisyon a maipaay kenkuana.
Dinakamat na iti maysa a tao a pagpatulonganna tapno mai-manage a naimbag dagiti napangabakanna a kuwarta ken sanikua, iti mismo a presidente ti Gymnastics Association of the Philippines a ni Cynthia Carrion.
Innayon ni Yulo a saan nga agnanayon nga atleta, isunga napateg a masalimetmetanna dagiti nagbannoganna.
Inyebkas ni Yulo nga agtultuloy iti career-na ken kayatna a ma-plano a naimbag ti pannaki-salip na iti 2028 Los Angeles Olympics.
