Maiyuswaten inton bulan ti Hulyo ti 911 national emergency hotline para ti panangpatibker ti seguridad ditoy Pilipinas.
Kinuna ni Presidente Ferdinand Marcos Jr. a ti Unified 911 Emergency System ket manamnama a marugianen a maiyuswat idiay Central Visayas, ditoy Ilocos Region, National Capital Region (NCR), ken sadiay Bangsamoro Autonomous Region in Muslim Mindanao (BARMM).
Kagiddan metten daitoy ti panangiwaras pay ti ad-adu a kapulisan para ti inawagan da a “Cops on the Beat”.
Immuna metten a kinuna ti Department of the Interior and Local Government (DILG) a ti 911 emergency hotline ket mangus-usar ti high technology tapno mapapartak ti panagresponde dagiti kapulisan.
