Naituloden ti pakaitabonan na ti national artist a ni Nora Aunor idiay Libingan ng mga Bayani.
Alas dose ti tingnga’t aldaw idi naisayangkat ti state funeral para ti superstar a pimmusay idi Abril 16, 2025 ti tawen a 71.
Kas maysa a Pambansang Alagad ng Sining, napadayawan isuna ti state funeral a naangay sadiay Metropolitan Theater Maynila sakbay iti pannakaitabon na.
Adu a fans ti dimmar-ay kadagiti necrological services tapno padayawan ni Nora para ti awan katukad a kontribusyon na iti sining ken pelikula.
Kabayatanna, nangipaay met da Lotlot ken Ian de Leon ti emotional tribute iti ina da a inladawan da kas silaw a saan pulos a maiddep.
Dagiti pelikula na kas ti “Himala” ken “Bona” ket maipabuya manen kadagiti telebisyon kas paset iti panagraem iti legasiya na.
Ti panagpusay na ket nangigubuay ti napalaos a kinaladingit ti industriya ti pelikula ngem iti sining na ket agtalinaed a nabiag kadagiti puso dagiti umid-idolo kenkuana.
