Pinatibker pay ti Senado iti resolusyon a mangal-allukoy iti ehekutibo a mangbukel ti National Contingency Plan kas panagsagana iti masakbayan nga epekto ti tensyon idiay Middle East.
Babaen ti Senate Resolution 343, agpanpanawagan dagiti senador iti executive branch a mangbukel ken mangisubmitir iti las-ud ti 15 nga aldaw ti maysa a komprehensibo a National Contingencies Plan para ti panagsagana, panagsungbat, ken panagbangon manipud iti dakkel a domestic ken international crisis.
Maysa a national crisis coordination structure a nagudwa kadagiti kategorya ti ipapaaramid dagiti mamanday-linteg tapno madakamat ti akem ti tunggal ahensya iti maysa a national emergency.
Adalen met ti Senado iti plano tapno madakamat nu umdas wenno praktikal metlaeng dagiti addang. Mabalin met daitoy a pagbasaran ton para ti posible a pannakaipasa ti National Crisis Management Act a mangi-institutionalize ti nasao a plano.
