Paawiden ita nga rabii ti Sabado, Pebrero 15 ti men’s national curling team.
Daitoy ket kalpasan a magun-od ti bunggoy ti kaunaan a balitok nga medalya para ti Pilipinas iti nakisalipan da nga 2025 Asian Winter Games idiay China.
Ti men’s curling team ket buklen da: Marc Angelo Pfister, Enrico Gabriel Pfister, Christian Patrick Haller, Alan Beat Frei, ken Curling Winter Sports Association of the Philippines president Benjo Delarmente.
Nagbalin a naballigi ti national team idi abaken da ti finals iti South Korea ti score nga 5-3.
Segun iti Philippine Sports Commission, agarop 10:30 ti rabii Sabado iti panagsangpet ti bunggoy.
Sangailien isuda ni PSC chair Richard Bachmann, Commissioner Bong Coo, ken Executive Director Paulo Francisco Tatad sadiay Ninoy Aquino International Airport Terminal 1.
