Maysa a national movement ti sumagmamano a grupo ti kimmontra iti kaadda dagiti base militar ti America babaen kadagiti naipasdek nga Enhanced Defence Cooperation Agreement (EDCA) sites kadagiti napili a paset ti pagilian.
Inwaragawag ni Herman Laurel, presidente ti Asian Century Philippines Strategic Studies Institute a ti panggep da ket maaddaan dagiti umili iti pagilian iti umno a pannakaammo no ania ti pudno a motibo dagiti Amerikano a nangpapigsa iti presensiada iti natibker nga aliansa iti Pilipinas.
Kinuna ni Laurel a ti bukod nga interes ti America ti kangrunaan a panggep ti kaadda dagiti EDCA sites gapu ta naidumduma dagitoy kadagiti isyu ti seguridad ken ekonomia iti Asia nu sadino ket mangidadaulo ita ti China ti adu a benneg.
Innayonna nga ad-adda laeng a agpeggad ti Pilipinas gapu ta dagiti pudno nga agkaribal iti dandani amin a banag ket ti America ken China.
Daytoy ti rason no apay a rumbeng nga ammo ti publiko a ti panagsusupiat ti West Philippine Sea ket pakpakaruen laeng ti Estados Unidos a mangipagarup a sisasagana ti Pilipinas a kalabanen iti superpower China.
