Suportado iti National Maritime Council (NMC) ni Presidente Ferdinand Marcos Junior iti waragawag na a depensaan ti soberenya ti Pilipinas idiay West Philippine Sea.
Impaganetget ti konseho a takderan ken agabalin da a natibker ti aniaman a panakiibiang ti gangganaet kadagiti maritime zones ti pagilian.
Innayon na a pulos a saan da a sumardeng iti panangitandudo kadagiti karbengan ken panagraem ti obligasyon ti international law partikular iti United Nations Convention on the Law of the Sea (UNCLOS) ken ti 2016 arbitral award.
Kabayatan a nakapokus ti pagilian kadagiti nakapia a wagas ti resolusyon, saan met nga agpaabak daitoy kadagiti agresibo nga aksyon ti higante a pagilian.
Kinuna ni Presidente Marcos nga agtultuloy a marikna iti China ti presensya ti Pilipinas aglalo iti exclusive economic zone ken agtalinaed ti gobierno ti panangsalaknib ti teritoryo ken maritime domamin.
