Agtalinaed latta ti panangipatungpal ti No Contact Apprehension Policy (NCAP) nga uray pay nu natantan ti rehabilitasyon ti EDSA kas impasiguro ni Transportation Secretary Vince Dizon ita a Lunes.
Impaganetget ti sekretaryo a saan a limitado ti EDSA iti NCAP ken nasaysayat pay daitoy a wagas a panangipatungpal ti paglintegan ti trapiko.
Immunan nga inyanunsyo ni Presidente Ferdinand “Bongbong” Marcos Jr. ti maysa bulan a suspensyon ti proyekto tapno adalen dagiti makabaro a teknolohiya a mabalin a maaramat para ti rehabilitasyon ti 23.8-kilometro a kalsada.
Nu posible, panggep ti presidente a maileppas daitoy ti innem a bulan. Kabayatanna, manamnama met iti nairut a trapiko apaman mairugin iti kontruksyon nga agpaot agingga tawen 2027.
Maipatungpal latta met iti NCAP kalpasan nga ikkaten ti Korte Suprema iti Temporary Restraining Order nga itan ket ipalpalubos laengen ti MMDA a tapagpatungpal iti polisiya.
