Agtalinaed latta ti No Contact Apprehension Policy wenno NCAP laksid ti pannakaitantan ti rehabilitasyon ti EDSA, segun kenni Transportation Secretary Vince Dizon.
Kinunana nga agtultuloy latta ti NCAP agsipud ta saan laeng met a mainaig iti EDSA daitoy nu di ket para iti epektibo a panangipatungpal ti paglintegan ti trapiko.
Mainaig iti dayta ket pinaregta pay ni Dizon dagiti motorista a makitinnulong iti panangipatungpal ti No Contact Apprehension Policy kadagiti kangrunaan a kalsada sadiay Metro Manila.
Kabayatanna, adu latta met dagiti aglablabsing kas kadagiti pinakdaaran ti Metropolitan Manila Development Authority a motorista a linglingdan dagiti plaka da tapno maliklikan ti panagmulta.
