BR LA UNION – Iti maika-18 a gundaway ken nagsasaruno a tawen, naiyawid manen ti National Capital Region (NCR) iti overall championship iti kalkalpas a 65th Palarong Pambansa a naisayangkat idiay probinsiya ti Ilocos Norte.
Pakabuklan a 117 gold, 70 silver ken 50 bronze medals iti napangabakan dagiti student-athletes ti NCR, iti kadackelan nga sports competition ditoy pagilian.
Maikadwa a puwesto iti final and official tally, iti Region IV-A wenno CALABARZON nga addaan pakabuklan a 47 gold, 68 silver, ken 66 bronze medals.
Maikatlo a puwesto iti Region VI wenno Western Visayas, nakagubgob ti 44 gold, 54 silver, 58 bronze medals.
Kabayatanna, ballaygi a nagun-od ti Western Visayas iti umuna a puwesto iti Para Games babaen ti 23 gold, 21 silver, ken 14 bronze medal haul iti Palaro.
Simrek pay iti top 3 ti medal tally iti CALABARZON ken SOCSKSARGEN.
Iti kaunaan a gundaway, nairaman ti weightlifting kas demo sport, nagpannuray iti Zamboanga Peninsula kalpasan a maiyawid da ti 4 gold, 2 silver ken 1 bronze medals. Sumaruno iti CALABARZON ken Central Visayas nga agpada nga addaan ti sag-tallo a balitok a medalya iti nasao a torneyo.
