Impangaton ti National Disaster Risk Reduction Management Council (NDRRMC) iti blue alert status ti operation center da.
Ti nasao nga addang ket sungbat paylaeng iti nasaripatpatan a low pressure area (LPA) nga asideg ti Guiuan , Eastern Visayas.
Panggep ti NDRRMC a dagos a masungbatan ti manamnama a nalawa nga epekto ken perdisyon ti bagyo gapo iti masansan a panagtudo, panaglayus, ken ti panagreggaay ti daga.
Naballaagan metten amin a Regional ken Local Disaster Risk Reduction and Management Councils (R/LDRRMC) kasta met kadagiti Office of the Civil Defense Regional Offices a saganaan dagiti agsasaruno a bagyo ita a panagtutudo.
Impaayan pateg ti NDRRMC a sabali latta ti nasapa a panagsagana nu kasta ket makissayan wenno maliklikan ti saan a mapakpakadaan nga epekto dagiti didigra.
