Nakatuding nga agtaripnong ni Israel Prime Minister Benjamin Netanyahu ken ni U.S. President Donald Trump iti panagturong na idiay White House.
Segun kenni Netanyahu, ipresentana kenni Trump dagiti sumagmamano a “prinsipio” para iti negosasyon idiay Iran.
Patienna a dagiti nadakamat a prinsipio ket napateg saan laeng nga iti Iran no di ket iti intero a lubong.
Dinayaw met ni Netanyahu iti naisangsangayan a kinasinged ti US ken Israel.
Daytoy ti maikanem a gundaway a sumarungkar ni Netanyahu idiay Estados Unidos sipud idi nagtakem ni Trump iti maikadua a termino.###
