Nangisayangkat ti sorpresa nga inspeksiyon ti National Bureau of Investigation (NBI) iti custodial facility sadiay New Bilibid Prison (NBP) kasaruno dagiti damag mainaig ti special treatment kadagiti sumagmamano nga high-profile inmates.
Segun kenni NBI Director Jaime Santiago, naiyuswat ti inspeksiyon kalpasan ti nagsaknap a damag iti mapapati a VIP treatment iti sigud a Negros Oriental 3rd district Representative Arnolfo Teves Junior.
Nupay kasta, pinasingkedan ti NBI chief nga awan ti siasinoman a makaaw-awat iti special treatment, pakairamanan ni Teves a naiyakar sadiay Manila City jail.
Daitoy ti impasiguro ni Director Santiago kalpasan a personal na a nakapatang dagiti balud a nangpasingked a pantay-pantay ti pannakatratar kadakuada. Innayon na a nu anya iti kankanen ti maysa a balud ket isu met ti kankanen iti amin.
Kinuna ni Santiago a binilin na dagiti detention officers a siguraduen ti kasasaad ni Teves tapno saan a marurod dagiti tattao ken maliklikan ti posible a panangpatay kenkuana.
Nakatuding a mabasaan iti sentensya ni Teves inton aldaw ti Lunes, Hunyo 30 para kadagit kaso nga adda pakainaigan na iti firearms and explosives a nakumpiskar ti naisayangkat a raid iti property na idi napalabas a tawen.
