BR LA UNION – Dua a tattao iti impadamag dagiti otoridad a natay ken tallo ti nadun-dunor, iti nagsuwek a helicopter idiay Upper Barak, Barangay Quisao, Pililla, Rizal, idi bigat kalman, Martes, Marso 3.
Maibasar iti report ti Rizal Police Provincial Office, agarop alas-7:27 ti agsapa idi napasamak ti insidente.
Nakalugan iti nasao a helicopter iti lima a tattao, kabilang ti dua a gangannaet a pakairamanan ti Malaysian national.
Dagus a naiturong dagiti biktima iti Rizal Provincial Hospital idiay Morong para iti pannakataming dagitoy.
Iti kauddian a report, maysa ti kritikal kadagiti tallo a nasugatan idinto nga adda metten iti natalged a kondisyon dagiti dua a biktima.
