LA UNION – Nasapa a nangipaulog ti advisory wenno paka-ammo iti publiko ni Governor Raphaelle Veronica “Rafy” Ortega-David para kadagiti estudyanye ken mangmangged iti intero a probinsiya ti La Union.
Maiyannurot iti Executive Order #40 series of 2024, suspendido amin a klase iti amin a level ti pagadalan ken trabaho dagiti mangmangged iti amin nga opisina ti gobyerno iti intero a probinsiya ita nga aldaw ti Huwebes, Hulyo 25.
Iti met biang dagiti pribado a kompanya ken opisina, mabalin nga usaren iti nasao a pammilin, ngem discretion iti management a mangipatungpal iti suspensyon ti serrek iti trabaho.
Iti nasao a bilin ti gobernador ket nairanta tapno agtalinaed laeng iti uneg ti balay dagiti umili para iti kinatalged dagitoy manipud iti napigsa a panagtudtudo a gubway ti Bagyo Carina ken Habagat.
Maibasar iti WEATHER ADVISORY NO. 30 ti PAGASA, rumwar iti PAR ti bagyo Carina ita nga aldaw, ngem agtultuloy a makapadas ti napigsa a panagtudo gaputi Southwest Monsoon wenno habagat a pinapigsa ti bagyo Carina, dagiti sumaganad a lugar:
INTENSE RAINS (100-200 mm) – Zambales, La Union, Pangasinan, ken Benguet
MODERATE TO HEAVY RAINS (50-100 mm) Metro Manila, Bulacan, Pampanga, Cavite, Batanes, Babuyan Islands,
rest of Ilocos Region, Abra, Bataan, ken Occidental Mindoro.
Kabayatanna, inton bigat, (July 26), makapasar ti kalalainganna agingga napigsa a tudo (50-100 mm) idiay Zambales, Bataan,
Pangasinan, ken Benguet.
Inton Sabado, (July 27), agtultuloy a makapadasti moderate to heavy rains (50-100 mm) idiay Zambales ken Bataan.
