Nagbalin nga emosyonal ni Novak Djokovic idi abaken na ti nabayag nan a kalaban a ni Rafael Nadal iti Six Kings Slam exhibition game da idiay Saudi Arabia.
Kinuna ni Djokovic kenni Nadal a saan na pay a rumbeng nga ibati iti tennis.
Innayon na pay a kayat na latta makadwa ni Nadal uray pay nu nagretiro dan ton ken nakarelax lattan iti panagbiag.
Maipalagip nga inyanunsyo ti 38-anyos a ni Rafael Nadal nga agretiro isunan manipud iti tennis apaman mapalpas nan iti Davis Cup Finals inton sumaruno a bulan.
Nagsango iti dua iti 60 a daras ken iti exhibition match da idiay Saudi ket naaramiden ni Djokovic a surokan ni Nadal iti 31 wins – 29 losses.
Addaan ti 24 Grand Slam title ni Djokovic bayat ni Nadal ket addaan met iti 22 Grand Slam title.
Malidayan ni Djokovic gapo ta saksi isuna iti panagretiro ni Andy Murray, Roger Federer, ken ita karaman pay Nadal nga ibilbilang na a karibal iti tennis.
