Nangiruar ti National Privacy Commission (NPC) ti baro nga allagaden para ti umiso a panagproseso ti personal data a maal-ala babaen ti body-worn cameras.
Panggep daitoy a masalakniban ti right to privacy bayat a mapapapigsa ti transparency ken accountability.
Segun kenni NPC Commissioner John Henry Naga, napateg a mausar a patas ken maiyannurot ti linteg ti panagusar ti body cameras, nangruna kadagiti operasyon ti kapulisan. Kasapulan pay kunana a nalawag ti allagaden ti panangidulin, access, ken panagpatalinaed kadagiti records daitoy.
Nagpalagip pay ti ahensya kadagiti digital content creators ken vloggers a mangar-aramat kadagitoy nga arawaten. Innayon da a kasapulan a maipakada pay kadagiti tao nga irecord da ti panagusar kadagiti nasao a cameras, kasta met ti panangipaay ti privacy notice, ken suruten ti Data Privacy Act of 2012.
