Inbinglay ni Vice President Sara Duterte a palubosan isuda ti International Criminal Court a mangisayangkat ti panagsapata ni Presidente Rodrigo Duterte kalpasan a mangabak daitoy kas Mayor ti Davao City iti kalkalpas laeng a midterm elections.
Segun iti Bise Presidente, pirpirmisen laengen dagiti bogado da idiay ICC ken ditoy Pilipinas ti proseso.
Kinunana a naikkan ida ti ICC ti agingga aldaw ti Hunyo 30 tapno aramiden ti panagsapata ti opisina.
Innayon nga apaman naala dan dagiti proclamation papers ti sigud a Presidente ket mabalin nan nga isaruno ti panagsapata.
Saan met a dinakamat ti Bise Presidente nu kasatno iti panagtrabaho ti ama na kas baro a Mayor ti ciudad ti Davao.
