Nakellaat iti pamilya ti maysa nga Overseas Filipino Workers kalpasan a pimmusay idiay Taiwan idi Sabado.
Nabigbig iti pimmusay a ni Sheryl Catabagan, 28 anyos, factory worker idiay Taiwan.
Iti pannakiuman ti Bombo Radyo La Union kenni Nestie Dulay, lima tawen ket dua a bulan na idiay Taiwan ti kabsat na.
Segun kenkuana, mismo a ti kadua ti kabsat na iti dorm ti nangibaga kadakuada ti nasao a damag.
Maibasar iti imbestigasyon, mabalin a naadasan ti kabsat na kalpasan nga impasngay na ti anak daytoy.
Innayon na pay a saanda nga ammo a masikog ti kabsat na numan ammoda nga adda nobyo na.
Kabayatan na, kumidkiddaw ti pamilya Catbagan kadagiti amin nga ahensya a mabalin a makatulong kadakuada tapno maiyawid ti bangkay ti kabsat na agraman ti maladaga daytoy.
