Impasiguro ti Bureau of Immigration (BI) a maprayoridad dagiti OFWs iti electronic gates a maikabil idiay NAIA 3.
Segun kenni Immigration Spokesperson Dana Sandoval, agbalin a napartak ti panagproseso kadagiti pasahero, nangruna kadagiti OFWs iti panaglukat dagiti electronic gates iti immigration area.
Immuna metten nga inwaragawag ti BI a mangala da pay kadagiti kanayuan nga immigration agents a maideploy sadiay NAIA Terminal 1 ken 3 tapno maliklikan ti atiddog a pila kadagiti immigration counters.
Manamnama ti nadagsen a bilang dagiti biahero ita nga Semana Santa isu ket nagnayon pay kadagiti flights iti airport.
