BR LA UNION – Inwaragawag ti Office of the Ombudsman a target da ngan idatag inton bigat, Huwebes, Mayo 28, 2026 iti kaso a plunder kontra kenni Senador Jinggoy Estrada gapu iti maipagarop nga anomalya iti flood control projects.
Segun kenni Ombudsman Jesus Crispin Remulla, pinirmaan na ti information kontra iti senador sakbay a naisumite idiay Sandiganbayan, ket manamnama a maipila ti kaso inton bigat aldaw ti Huwebes.
Malaksid iti plunder, mairam-raman pay iti kaso a graft ken direct bribery charges ni Estrada a pakairamanan ni sigud a Public Works Secretary Manuel Bonoan.
Kabayatanna, pinaglibakan ni Estrada ti anyaman a pannakairaman na iti iregularidad ken impaganetget ti kampo na nga awan ti maipagarop nga ebidensya a mangiraman kenkuana iti makunkuna a kickbacks.
