Mas pairotan pay ti ordinansa para kadagiti stray animals wenno bulos nga aso idiay Barangay Lingsat, syudad ti San Fernando, La Union.
Daytoy iti kinuna ni Brgy. Lingsat Kgwd. Sonny Casugay, iti pannakiuman ti Bombo Radyo mainaeg iti pannakadungpar ti maysa nga ubing kalpasan a kinamat ti aso.
Segun kenni Casugay, siguden daytoy a naipatungpal iti lugarda ngem mas pairotanda tattan daytoy gapu iti nasao a pasamak.
Maipalagip, kinamat iti bulos nga aso ti biktima a ni Jade Lubiano, 8 anyos, ken grade 3 pupil a rason ti panagtaray na iti kalsada ken apag isu met a pannakadungpar kenkuana ti maysa a bus.
Iti agdama ket saan pay laeng a nakapuot ti biktima ken agtaltalinaed iti kritikal a kasasaad iti ospital.
