Nakikadua ti OWWA Region 1 iti Diocesan Pastoral Ministry to the Migrants and Itinerant People (DMMI), iti panangrambak ti maika-109 a World Day of Migrants and Refugees, nga addaan iti tema a “Free to Choose Whether to Migrate or to Stay” sadiay San Manuel Sur, Agoo, La Union.
Kagiddan ti okasyon a naselebraran ti maika-37 a National Migrants Sunday ken maika-28 a National Seafarer’s Day.
Nakikaysa met iti nasao nga aktibidad ti agarup 150 a kameng ti simbaan, pakairamanan dagiti annak dagiti OFW iti intero a Probinsia ti La Union. Naaddaan met dagiti OFW Family Circle Leaders manipud Bangar ken Aringay, La Union.
Nangipaay ni Mr. Levy Kurt Dungan, Reintegration Staff ti OWWA Region 1 kadagiti updates maipapan kadagiti programa ken serbisio ti ahensia a magun-od dagiti OFW ken pamiliada.
Naiwaras met dagiti IEC materials kadagiti amin a timmabuno, idinto a naipaayan ti corporate giveaways ken 1 portable prepaid Wi-Fi dagiti timmabuno a nakipaset ken nakasungbat ti kusto iti quiz game a maipanggep kadagiti programa ken serbisio ti OWWA.
Maipalagip, iti fuel subsidy program ket indaulwan ti Land Tranportation Franchising and Regulatory Board (LTFRB) a kas tulong kadagiti PUV operator gaputi agtultuloy a panagngato ti presyo ti langis.
