Inruaren ti Department of Budget and Management (DBM) ti pondo nga aggatad ti P1.347-B para ti panagpalawa ti electronic gates (E-gates) project kadagiti kangrunaan nga airports ditoy Pilipinas.
Segun iti ahensiya, mausar iti pondo para ti seguridad ken immigration processes sadiay Ninoy Aquino International Airport Terminals I and III, Clark International Airport, Mactan Cebu International Airport, Davao International Airport, Kalibo International Airport, Boracay-Caticlan International Airport, Zamboanga International Seaport, Laoag International Airport, Bohol-Panglao International Airport, ken Puerto Princesa International Airport.
Imbatad pay ni Budget Sec. Amenah Pangandaman a ti alokasyon para sa E-gates project ket tapno matungpalen ti pammilin ni Presidente Ferdinand Marcos Jr. a makaipaay ti pagbang-aran kadagiti biyahero, mapa-lokal man wenno gangganaet, ken tapno makissayanen dagiti atiddog a pila kadagiti immigration counters.
Manamnama a sukatan dagiti E-gates ti 50% a manned inspection counters nga adaan ti modernized technology ken nakatuding ti full deployment ti operasyon inton mismo wenno sakbay ti Disyembre 15.
