BR LA UNION – Inaprubaran ti Department of Budget and Management (DBM) iti P1 billion pondo para iti panagipatakder ti Child Development Centers (CDCs) kadagiti nababa ti income na a local government units (LGUs) iti intero a pagilian.
Ti nasao nga addang ket maiyannurot iti bilin ni President Ferdinand Marcos Jr. nga ag-invest iti edukasyon ken panagdur-as iti human capital development.
Inaramid na ti bilin idi dimmar-ay iti seremonya ti pannakapirma ti joint memorandum circular idiay Malacañang idi Abril 3.
Segun iti Presidente, dagiti CDCs ket mangipaay ti natibker a pundasyon kadagiti ubbing ken mangpatibker pay iti pundasyon ti pagilian.
Pagnumaran daytoy ti aganay 328 a barangay, kabilang iti 89 iti Luzon, 106 idiay Visayas, ken 133 idiay Mindanao, pakairamanan iti Bangsamoro Autonomous Region in Muslim Mindanao (BARMM).
Iti Child Development Centers ket agserbi a sentro dagiti programa pang-edukasyon, suporta iti pamilya, ken early learning programs dagiti ubbing, nga agbalin a napateg iti panagsagana dagitoy sakbay da a sumrek iti pagadalan.
