Tarigagay ti maysa a senador a panayunan ti P10K ti sueldo dagiti mannursuro iti basic education.
Manipud iti singasing a “Angat Sweldo Para sa Guro Act” nga impila ni Senator Bam Aquino, ti P10K a kanayunan a kompensasyon kadagiti mannursuro ket magudwa kadagiti tallo a tranches: P4K a binulan para ti umuna a tawen; P3K iti maikadua; ken kauddian a P3K para iti maikatlo.
Sakopen daitoy iti singasing a kanayunan a suporta ken kompensasyon kadagiti public school teachers, locally funded teachers, Philippine Science High School System teaching and non-teaching personnel, ken non- teaching personnel ti Department of Education (DepEd). Makaawat pay dagiti benepisyaryo ti P1K nga annual allowance para iti medical check-up.
Kabayatanna, saan met a kasali iti daitoy nga additional support dagiti addan ti salary grade 30 ken dadduma pay a nangangato a posisyon.
Ik-ikkan pay daitoy a singasing ti otorisasyon ti DepEd a mangipaay ti annual magna carta bonus kadagiti public school teachers ken non-teaching personnel ti ahensya.
