LA UNION – Dumanon iti P2 milyon pesos ti danyos iti nauram a pagtaengan idiay Barangay Accao, Bauang, La Union alas 8 idi rabii.
Naamuan ti Bombo Radyto La Union a kukua daytoy ni Anastacia Huganan, 71, maysa a balo, residente iti nadakamat nga lugar.
Sakbay ti insidente, nakita da nga agsangsangit ti maysa nga ubing a naggapu iti maysa a silid a maipagarop nga agas-asok ngem saanda daytoy a pinansin no sadino ti udi na ket saandan a kinabaelan nga sebseban gapu iti kinapigsa ti apoy.
Nupay kasta, nagyaman dagiti agnanaed iti balay nga awan ti nasugatan kadakuada.
Iti agdama ket temporaryo nga nakinaed dagitoy iti kaarrubada kabayatan nga agtultuloy pay ti imbestigasyon dagiti maseknan maipapan iti napasamak nga uram.
