Impasiguro ni Akbayan Party list Representative Perci Cendaña a maitandudo manen idiay 20th Congress ti P200 legislated wage bill.
Daitoy ti waragawag ni Cendaña mainaig ti kaawan ti aksyon ti Senado para ti nasao a gakat, laksid ti umdas a panawen ken gundaway nga iyadaptar ti bersyon ti Kamara tapno mapapartak ti pannakaipasa daitoy. Innayon na pay iti pagkasapulan iti kastoy a linteg nangruna ta agtultuloy ti panagngato dagiti magagatang.
Segun iti kongresista, nu seryoso a talaga iti Senado iti panagngato ti sueldo dagiti mangmangged ket inadaptar da kuma a dagosen ti House version a P200 wage hike nangruna ti bassit laeng kuman nga addang ket maisubmitiren daitoy sadiay Malacañang para iti panagperma.
Malaksid iti daitoy ket binabalaw pay ti kongresista iti Legislative-Executive Development Advisory Council nga idadauloan ni Presidente Ferdinand ‘Bongbong’ Marcos Junior gapo iti pannakapaay na a sertipikaran kas urgent ti nasao a singasing a gakat.
Kasaruno daitoy ket kinuwestyon na iti economic priorities ti administrasyon Marcos ken ti natalna a tignay para kadagiti mangmangged. Imbes a suportaran ti 200 pesos wage hike ket mas intandudo pay ti Senado iti kanayunan a P100, banag a kurang la unay, kinunana.
