Naiturn over idi rabii ditoy broadcast center ti Bombo Radyo La Union ti biseklata nga immuna a natakaw idiay Barangay Biday , San Fernando City, La Union.
Mismo a ni Yves Tejano, residente ti Pagdalagan Sur ti immay nangi-turn over ti nasao a bisekleta.
Segun kenni Yves, nailako iti kabsat na a ni Daren Tejano ti nasao a biksekleta iti gatad a P3,000 pesos.
Agsipudta napintas kuna na ti biseklta ket dagusda a ginatang daytoy manipud iti saanda nga am-ammo a lalaki.
Ngem kellaat a napabutngan ti kabsat na a ni Daren idi a makita na ti post ti Facebook Page ti Bombo Radyo La Union.
Kinuna na pay a saan metten nga sumsumrek ti kabsat na gaputi buteng nga amangan ket mapabasol daytoy.
Innayon na pay nga uray saanen a maisubli ti ingatang na a P3,000 pesos agsipudta mas tarigagay na a maisubli ti bisekleta iti makinkukua.
Maipalagip, intaray iti saan pay nga nabigbig nga agtatakaw ti bisekleta nga agbalor iti P27,000 pesos idi Octobre 19, 2022.
Ti nasao a bisekleta ket kukua ni uJerico Aquino nga muna a regalo a naawat na manipud iti ina daytoy nga agtatrabaho idiay ballasiw taaw.
