BR LA UNION – Nagballaag ni Bureau of Internal Revenue (BIR) Commissioner Romeo D. Lumagui, Jr. a mabalin nga ag-peligro iti ₱3.2-trillion revenue goal ti gobyerno para iti tawen, nu maipatungpal iti maising-singasing a total ban iti online gambling.
Kinuna ni Lumagui a mapilitan iti BIR nga i-adjust ti fiscal outlook na ingkaso nga ipatungpal ti ban iti internet gaming ken dadduma pay nga online gambling platforms.
Impaganetget iti BIR chief a dackel ti maitul-tulong ti gaming sector iti national treasury.
Kinuna na, iti BIR ket adda ita iti umno a direksiyon, kalpasan a makakolekta ti ₱1.5 trillion iti first half ti 2025, a mas nangat-ngato ti 0.5 percent iti midyear goal ti ahensiya.
Ngem inlawlawag ti Commissioner a ti panangikkat ti dackel a paggap-gapwan ti revenue iti katengngaan ti tawen ket mabalin a mangparnuay ti dakkel a panagkurang iti koleksiyon, nangruna ket agtultuloy a mangnamnama ti gobyerno iti makol-kolekta a buwis tapno ponduan dagiti napapateg a serbisyo publiko.
