Pinarot ken pinuoran dagiti otoridad ti P3.3 million pesos nga balor ti marijuana iti naisayangkat a eradication operation iti tri-boundaries ti La Union, Ilocos Sur ken Benguet.
Segun kenni PDEA Regional Office I Director Joel B. Plaza, pinarot ken pinuoran dagiti otoridad ti nasurok kumurang 15,600 fully grown marijuana plants ken 5,000 marijuana seedlings iti tallo a plantasiyon nga adda kalawa na a 2,402 square meter.
Dagus nga pinuoran dagiti maseknan dagiti pinarotda a maipawil nga agas kalpasan ti operasyon.
Nagbalin a balligi ti marijuana eradication gapu iti panagtitinnulong ti PDEA La Union Provincial Office (PDEA LUPO), PDEA Ilocos Sur Provincial Office (PDEA ISPO), 1st La Union Provincial Mobile Force Company (LUPMFC), La Union Police Provincial Office-Provincial Drug Enforcement Unit (LUPPO-PDEU), ken Santol Municipal Police Station.
