BR LA UNION – Target iti liderato ti Department of Agriculture a mangipasdek ti 99 a cold storage facilities ditoy pagilian para iti nat-nateng, prutas ken high value crops ita a tawen ken maponduan ti proyekto iti tallo a bilyon a pisos.
Iti maysa a waragawag ket imbaga ni Agriculture Secretary Francisco Tiu Laurel Jr., a makatulong daytoy tapno agpaut ti shelf life dagiti maidulin a nateng, prutas ken high value crops.
Malaksid dayta, makatulong pay tapno agbalin nga stable iti supply ken presyo dagiti nasao nga agricultural products.
Segun iti ahensya, agusar da iti renewable energy sources a kas iti solar ken wind para iti operasyon dagiti refrigerated warehouse.
Namnamaen met ti Department of Agriculture nga agbalin nga operational dagiti babassit a cold storage facilities ita a tawen.
Iti nasao a proyekto ket paset laeng ti komprehensibo a logistics master plan ti ahensya manipud iti Agriculture and Fisheries Logistics Office.
