LA UNION – Nakabaluden ti 45-anyos a mister a maipagarup nga aglaklako iti shabu a naaresto babaen ti bust operation iti tauhan ti Philippine National Police ken Philippine Drug Enforcement Agency idiay Barangay Pagdalagan Norte, syudad ti San Fernando, La Union.
Nabigbig ti suspek a ni Allan Rey Loma, residente ti Gen. Mariano Alvarez, Cavite.
Iti report a nakalap ti Bombo Radyo manipud iti San Fernando City Police, nakakakbil ti maysa a kahon iti walo a sachet ti shabu nga agtimbang ti 50 gramo karaman dagiti prutas nga ilako ti suspek idiay syudad.
Mapatta-patta nga umabot iti P300,000 ti balor iti nadakamat a droga ti nakompiskar dagiti pannakabagi ti linteg kenni Loma, malaksid pay iti P29,500 a buy bust money.
Karaman pay ti suspek iti listaan ti high value target drug personalities ti pulisya.
Kaso a panaglabsing iti Comprehensive on Dangerous Drugs Act ti reklamo a maisagsagana kontra ti suspek.
