LA UNION – Imbida ti House Quad Committee iti accomplishment ti Marcos administration nga umabot iti P49.82 billion a balor ti illegal drugs iti nakumpiskar iti ‘bloodless’ anti-drug campaign kumpara iti “bloody drug war” ti Duterte administration nga aganay P25.195 billion.
Segun kenni House Quad Committee lead chair Surigao del Norte Rep. Robert Ace Barbers, iti nasao a datos ket naala manipud iti official report ti PDEA, PNP ken NBI.
Imbaga pay ni Barbers, iti nasao a datos ket baliktad iti waragawag ti sigud nga administrasyon a ballaygi iti kampanya kontra iligal a droga.
Iti Marcos administration, nasurok 800 a drug suspeks ti natay bayat nga iti sidong ti Duterte government ket umabot iti nasuropk 20,000 ti extrajudicial killings.
Iti biang ni Executive Secretary Lucas Bersamin, imbaga na a bimmaba iti krimen gaputa napagtalinaed ti peace and order ditoy pagilian.
Impaganetget pay ni Barbers a nupay agpada iti tarigagay ti dua nga administrasyon a labanan ti iligal a droga ken mantineren ti peace and order, iti approach ti sigud nga administrasyon ket agresibo ken naranggas.
