LA UNION – Nagballaag ita ti Philippine Atmospheric Geophysical Astronomical Services Administration (Pagasa) iti epekto ti thunderstorm kadagiti sumagmamano a paset ti Amianan a Luzon partikular iti rehion uno.
Maibasar iti pakdaar ti Pagasa, apektado iti kellaat a panagtudona a nabuyogan iti panagkimat ken panagurruod ti ili ti Sudipen, Caba ken San Fernando city, La Union; Sugpon, Suyo ken Alilem idiay Ilocos Sur; San Nicolas idiay Pangasinan.
Apektado pay ti ili ti Santa Fe idiay Nueva Vizcaya ken Itogon idiay Benguet.
Agpaut ti thunderstorm iti las-ud ti maysa agingga dua nga oras.
Napakdaaran met dagiti residente kadagiti nasao a lugar nga agannad iti epekto ti napigsa a tudo ken angin, panagkimat ken panaggurruod, ken flashflood.
