BR LA UNION – Alas 6:00 ti rabii, Mayo 9, 2026 simrek iti Philippine Area of Responsibility ti bagyo “Caloy” nga addaan ti international name a “Hagupit”.
Iti 11:00 p.m. Tropical Cyclone Bulletin #1, iti sentro ti Tropical Storm Caloy ket naudi a nasaripatpatan iti kaadayu nga 870 km daya ti Northeastern Mindanao.
Kabuyog ti kapigsa ti angin a 65 km/h asideg iti sentro ken kapegges a dumanon iti 80 km/h.
Dup-dupagenna iti laud amianan-a-laud iti kapartak a 20 km/h.
Awan ti naipangato a ballaag ti bagyo ken manamnama a saan a direkta a makaapektar iti sadinuman a paset ti pagilian.
Iti forecast track ti PAGASA, ti bagyo Caloy ket agtultuloy nga agpalaud amianan-a-laud iti pakabuklan a forecast period ken manamnama nga agtalinaed iti Philippine Sea, adayu iti kadagaan ti Pilipinas.
Iti sumaruno a 12 nga oras, agtalinaed ti kapigsa ti bagyo Caloy ngem posible a mangrugi a kumapsot inton bigat ti rabii, Mayo 10.
Manamnama a kumapsot ken agbalin a tropical depression inton bigat ti rabii (May 10) agingga nga agbalin-to laengen a remnant low inton Lunes, Mayo 11, 2026.
