Kinumpirmaran ti PAGASA a dakkel ti tsansa a maporma ti maysa a tropical cyclone iti umuna a lawas ti Nobiembre.
Iti latest advisory ti PAGASA, adda iti tropical cyclone-like vortex a makitkita iti makin-abagatan a paset ti monitoring domain-da manipud Nobiembre 3 agingga 9.
Ti tropical cyclone ket manamnama a sumrek iti abagatan a daya a beddeng ti Philippine Area of Responsibility (PAR) ken mabalin a napanaganan iti “Marce.”
Innayon ti PAGASA nga adda met dua a tropical cyclone-like vortices a rumrummuar iti daya a paset ti monitoring domain nga addaan iti nababa agingga iti kalalainganna a tsansa nga agbalin a bagyo manipud Nobiembre 10 agingga 16.
Iti agdama, manamnama ti maysa wenno dua a bagyo ditoy pagilian ita a bulan.
