Maysa a panagrang-ay ti nalatak nga murder case ti pakasaritaan ti lubong ti naikkan iti pannakailawlawag babaen ti moderno a teknolohiya.
Dinagadag dagiti appo a biktima ni Jack the Ripper dagiti otoridad ti United Kingdom tapno opisyal a kumpirmaren ti pakabigbigan ti serial killer.
Kalpasan ti ebidensya babaen ti DNA ket nabigbigen ti Jack the Ripper a ni Aaron Kosminski, maysa a Polish barber, a nangaramid iti pammapatay idi tawen 1888 sadiay Whitechapel.
Ti rebelasyon ket nangigubuay ti interes manipud iti publiko ken namnama kadagiti pamilya dagiti biktima a mamatmati a ti legal a deklarasyon ket mangipaay ti hustisya kalpasan ti sangagasot a tawen nga spekulasyon.
Ni Karen Miller a three-time great-granddaughter ni Catherine Eddowes, maysa kadagiti lima a nalatak nga biktima ni Jack the Ripper ti nagkiddaw iti legal inquest ti kaso.
Kabayatanna, 17 a tawen ti napalabas ket narekobre iti crime historian a ni Russell Edwards ti blood-stained silk scarf a mapapati nga insuot ni Eddowes idi napasamak ti pammapatay kenkuana.
Insubmitir na daitoy kadagiti forensic experts tapno maadal ti 130-anyos nga ebidensya para iti namnama a mabaelan ti moderno a teknolohiya nga solbaren iti kaso.
Nakikoordonar ni Edwards kadagiti bunggoy ti genetic scientists, nga inadal ti scarf para iti DNA testing.
Babaen kadagiti moderno nga forensic techniques, indasig da ti genetic material a natakuatan iti fabric iti nabiag nga apo ni Kosminski — nu sadino ket maysa gayamen a suspek iti orihinal nga imbestigasyon.
Kamaudiananna, nakumbinse ni Edwards kalpasan iti pakasaritaan nga DNA results a 100% match!
