BR LA UNION – Inawagan ti Malacañang a diversionary tactic iti waragawag ni Vice President Sara Duterte a ti panagbalinna a frontrunner iti 2028 presidential race ti rason ti panang-puntirya kenkuana ti administrasyon.
Reaksyon daytoy ti Palasyo kalpasan nga imbaga ni VP Sara a tarigagay ni President Ferdinand Marcos Jr. nga agtalinaed iti turay, isunga ipurpursige na iti impeachment case kontra kenkuana.
Iti press briefing, kinuna ni Palace Press Officer Claire Castro a dayta ti kayat nga ipaganetget ti bise presidente.
Ngem ti kinapudnona, lis-lisiyanna ti isyu maipapan iti accountability wenno sungsungbatanna iti confidential funds ken dadduma pay a reklamo a linaun iti articles of impeachment.
Isutgapuna a kinarit ni Castro ti bise presidente a sungbatanna dagiti alegasyon ken saan nga aglemmeng kadagiti sarita na.
