BR LA UNION – Boluntaryo nga insuko ti maysa a lalaki iti maysa a calibre ti paltog a maipagarop a napidot na iti kabantayan idiay Rosario La Union.
Maibasar iti report ti Rosario Police Station, personal a nagturong iti opisina da ti lalaki nga agtawen ti 45, mannalon, ken residente ti Barangay Cadumanian ti nasao nga ili, tapno i-surrender ti maysa a cal. 38 revolver, addaan ti marka a COLT 38 SPECIAL MADE IN USA, adda ti serial number na nga 18832 ken awan ti nagyan na a bala.
Nakailanad iti report ti pulisiya maibasar iti statement ti lalaki, a nakita ken napidot na ti nasao paltog iti dalan bayat a magmagna nga agturong iti gayyemna.
Ti nasao nga igam ket adda itan iti custodiya ti Rosario Municipal Police Station para iti umno a disposisyon.
