Inlibak dagiti uppat a House committees a mangimimbestiga iti drug war deaths ken krimen a mainaig iti illegal drugs ken Philippine Offshore Gaming Operators (POGO) idi Lunes a political harassment ti nasao nga inquiry kontra iti pamilia Duterte.
Ni Paduano ti mangidadaulo iti House Committee on Public Accounts, maysa kadagiti uppat a komite iti imbestigasion ket nangiruar iti statement kas sungbat ken ni Vice President Sara Duterte, a nangibaga a ti imbestigasion ket maysa a political attack iti pamilya na.
Kabayatan ti hearing itay napan a lawas, insilpo ni dati a Customs intelligence officer Jimmy Guban ti asawa ni Bise Presidente Duterte a ni Atty. Mans Carpio, ti kabsatna ken ni Davao City Representative Paolo Duterte, ken negosiante a ni Michael Yang iti P11 billion a gatad ti illegal drug shipment a simrek iti pagilian idi pay 2018.
Pinaglibakan amin dagiti kampo da Carpio, Duterte ken Yang dagiti pammabasol ni Guban, a kinuna met ni Carpio a paset ti political attacks ngem kinuna ni Paduano a rumbeng a tamingen ti pamilia Duterte dagiti alegasion imbes nga tantanen dagitoy.
Iti biang ni House Committee on Public Order and Safety chairperson Dan Fernandez, kinunana a dagiti komite ti Kamara ket sursuroten laeng ti imbestigasyon.
Kinuna met ni House Committee on Human Rights Benny Abante a saan a makalapped ti panagimbestigar ti sasao ni Bise Presidente Duterte.
