BR LA UNION – Nainget a supyaten ti pamilya ni sigud a DPWH Undersecretary Maria Catalina Cabral iti bilin dagiti otoridad nga ipa-autopsy ti bangkay na.
Daytoy ket laksid a kiniddaw ti Department of Justice (DOJ) ken Department of the Interior and Local Government (DILG) iti National Bureau of Investigation (NBI) ken Philippine National Police (PNP) nga ipatungpal ti nasao a proseso.
Ti nasao nga addang ket tapno madetermina ti makagapo iti pannakatay ti sigud nga opisyal ti DPWH.
Immandar pay ti DILG ti DNA test tapno masiguro a ni Cabral talaga ti natay kalpasan a matinnag iti rangkis idiay Kennon Road idiay Tuba, Benguet idi rabii ti Huwebes, ngem kinontra latta ti asawa na a ni Cesar.
Segun iti asawa na, binigbig na ken dagiti annak na ti bagi ti asawana ket kayat dan nga iyawid ni Cabral idiay Manila para iti paskua, agsipudta mamatida nga aksidente ti pannakatay na.
Kinumpirma ni Cesar nga adda idiay Baguio ni Cabral tapno aginana ken nadakamat ti maysa a panagsarita ti saanna a panagdar-ay iti maysa a panagtaripnong ti Independet Commssion on Infrastructure.
Nupay kasta, saan nga ipa-igid ti pulisya iti angulo a foul play.
