Adda itan idiay Las Vegas, Nevada ti pamilya Paquiao, sumagmamano nga aldaw sakbay iti nakatuding a laban ti kakaisuna nga 8-Division world champion inton Hulyo-20.
Kadwa ni Manny Pacquiao ti asawa na a ni Jinkee ken dagiti lima nga annak da. Iti maysa nga ti social media account ket kinuna ti Filipino boxing legend a ti pamilya iti kapatgan iti am-amin, banag a nakaragsakan na agsipud ta kumpleto da ita idiay Vegas.
Nakatuding ti comeback fight ni Pacquiao inton Hulyo 20 idiay MGM Grand Garden Arena kontra kenni World Boxing Council welterweight champion Mario Barrios. Padasen ni Manny nga agawen ti welterweight belt iti Amerikano a boksingero.
Nabayag a naginana ti legendary boxer manipud idi inabak isuna ni Yordenis Ugas idi tawen 2021. Nagleppas iti laban babaen ti unanimous decision, pabor iti Cuban boxer.
Iti agdama ket iggem ni Manny Pacquiao ti kartada a 62wins ken 8losses iti tawen a 46 bayat a ni Barrios met ket addaan iti kartada a 29wins 2losses iti tawen a 30.
