Nagasat nga awan ti nasugatan iti napasamak nga pammaltog idiay Sitio Aspiras, Barangay Magsaysay, Tubao, La Union.
Maibasar iti police blotter ti Tubao Police Station napasamak ti insidente agarop alas 8:25 idi rabii.
Maibasar iti palawag ti biktima a ni ADRIAN DOMINIC CALERA, 15 anyos, kadagiti otoridad, irekrekkep na ti ridaw ti balay a kukua ti apong na a DOMINADOR CALERA, 65 anyos, ken Barangay Kagawad iti nasao a lugar idi a namin uppat a daras nga pinalto-paltogan ti saan pay a nabigbig a suspek ti nasao a balay.
Iti insayangkat nga imbestigasyon dagiti otoridad, nakarekobre dagitoy ti (3) deformed fired bullet, (1) deformed jacket ti bala ken (4) empty shells para iti calibre 45.
Agtultuloy pay iti ar-aramiden nga imbestigasyon dagiti otoridad ken ti motibo ti pammaltog
