Impaganetget ni Manila 2nd District Representative Rolando Valeriano nga awan ti pakadanagan iti panangi-veto ni Presidente Ferdinand “Bongbong” Marcos Junior iti P194 billion a balor dagiti items iti 2025 national budget.
Inlawlawag ni Valeriano a nagtalinaed iti nasurok P6 trillion ti national fund ita a tawen gapu ta tallo laeng a porsiento daytoy ti naapektaran iti veto ti Presidente.
Impasigurado ni Valeriano a maragpat latta ti 2025 national budget ti panggepna ken sigurado a mapondoan ita a tawen dagiti napateg a programa ken proyekto para iti panagdur-as ti pagilian para iti tunggal Pilipino.
