Binallaagan ni Presidente Ferdinand Marcos Jr. dagiti 207 a nagturpos a kadete ti Philippine Military Academy a “Talang Dangal” Class of 2026 nga agtalinaed nga umno iti Konstitusyon ken saan nga agpausar iti politika, personalidad, wenno aniaman nga ideolohiya.
Iti naangaya a graduation rites sadiay Fort Del Pilar, Baguio City, impaganetget ti Presidente a ti pudno a panagbalin nga umno ti soldado ket nasken a nakapamaysa laeng iti pagilian ken ti Konstitusyon.
Binilin ti Commander-in-Chief dagiti baro nga opisyales a strikto a suroten ti PMA Honor Code.
Kinunana a ti panagulimek laksid ti kaadda ti madi nga aramid ket maibilang metlaeng a panagtraydor ti pagilian ken sinapataan a trabaho.
Innayon na a saan laeng a tradisyonal a gubat ti sangsangwen ti militar, mainayon pay dita dagiti cyber threats, disinformation, agresyon iti teritoryo, ken kalamidad nga inggubuay ti climate change.
Gapo kadaitoy ket pinapigsa payen ti PMA ti panagsanay iti Data Science, Artificial Intelligence, Electronic Warfare, Python Foundations, ken Unmanned Systems tapno makasabay kadagiti nagduduma a pangta.
