Kagiddan ti panagturpos ti Philippine Military Academy “Talang Dangal” Class of 2026 sadiay Fort Del Pilar, Baguio City ket nagpanawagan ni Bise Presidente Sara Duterte kadagiti baro nga opisyales a pagtalinaeden ti integridad ken tured iti serbisyo da.
Segun kenni Bise Presidente Duterte, dagiti panagsanay da iti agserbi kas pundasyon ti disiplina ken sakripisyo a nasken a mausar iti panangdepensa ti Pilipinas.
Inallukoy na pay dagiti kadete nga agbalin a pagtuladan ti dayaw ken dignidad, kasta met nga agtalinaed a natibker iti sango ti aniaman a pangta iti soberanya.
Nagyaman ti Bise Presidente kadagiti pinili iti panagserbisyo militar, a kunana ket nadayaw a trabaho a nakapamaysa iti pakaseknan dagiti umili a Pilipino.
Innayon na nga iti serbisyo da ket pammaneknek iti determinasyon a panangdepensa iti pagilian ken alagaan iti kinawaya-waya na.
Kamaudianna ket kinablaawan ni VP Sara dagiti nagtupos kasta met ti pamilya da kas paset ti baro nga henerasyon a taga-salaknib ti pagilian.
