Dumanon ti 20 ti kumpimado a bilang dagiti pimmusay bayat a 134 met dagiti nadundunor iti maysa nga insidente ti pangbettak ti maysa a pabrika idiay rehiyon ti Ryazan, Russia.
Segun kenni Ryazan Governor Pavel Malkov, nangrugi ti insidente ti bassit nga uram ti uneg ti workshop ti nasao a pasilidad.
Iti agdama ket saan pay a masinunuo ti makagapo iti uram ken nu anya iti maar-aramid iti nasao a pabrika. Adda dagiti sumagmamano a reports a saan nga agpapada isu nga awan pay iti nagbalin a kumpirmasyon dagiti opisyales.
Kabayatanna, 31 kadagiti nadundunor ket agtaltalinaed paylaeng iti ospital bayat a dagiti 103 ket agpapaimbag met kas outpatient. Adda pay dagiti psychologist a mangipapaay ti suporta kadagiti apektado a residente.
