Ad-adalen itan ti Philippine National Police (PNP) ti kaadda ti internal disciplinary machine iti uneg ti hanay da tapno maikkan ti limitasyon ti pannakairaman dagiti pulis kadagiti kalokwan.
Segun kenni PNP Chief Police General Nicolas Torre III, panggep daitoy a maresolbar iti uneg ti hanay dagiti aniaman nga isyu nga adda pakainaigan dagiti pulis.
Kalpasan daitoy dagiti nagsasaruno a reklamo a naawat ti National Police Commission (NAPOLCOM) saan laeng a dagiti nababa ti ranggo na agraman pay dagiti opisyales.
Dagos met a nagyaman ni Torre idiay NAPOLCOM para kadagiti disciplinary action.
Kabayatanna, malaksid ti panangipatungpal kadagiti sabali pay a disciplinary machines ket silulukat pay nga inawat ti PNP dagiti aksyon ti NAPOLCOM a kas paset ti internal machinery ti komisyon.
