Nangrugi ita nga aldaw iti panagngato ti presio ti tunggal tangke ti liquefied petroleum gas (LPG).
Segun kenni LPG Marketers’ Association (LPGMA) President Arnel Ty, dua a tranches ti inaramidda nga addaan iti presio a ₱10 kada kilo ti LPG tapno saan a makapadagsen kadagiti consumers.
Mangrugi ita nga Abril 1 ti umuna a panagngato ti presio a ₱5 kada kilogramo ti LPG wenno kanayunan a ₱55 tunggal 11 kg. ti regular nga household LPG cylinder.
Inton Abril 7, maaddaan ti ₱5 wenno kabaruan a ₱55 iti tunggal 11 kg. a tangke ti LPG.
Kinunana nga iti panangipangato ti presyo ket aprobado ti Department of Energy (DOE) uray ti in-inut a panangingato ti presio tapno saan a mabigla dagiti consumers.
Innayonna pay a mangal-ala iti Pilipinas ti LPG manipud idiay South Korea ken Japan nga addaan ti emergency reserves ti agingga 250 nga aldaw.
Iti agdama, dumanon ti 40 nga aldaw ti LPG stocks iti pagilian.###
